Monday, October 26, 2015

അങ്ങിനെ ഞാന്‍ നിന്നിൽ ലയിക്കട്ടെ

ഞാന്‍ നിനക്ക് തന്ന സ്വപ്‌നങ്ങള്‍ വിരിയുവാന്‍ ആഗ്രഹിച്ചു,
കാലത്തെ അതിജീവിച്ചുമുന്നേറുവാന്‍ കൊതിച്ചു
മറ്റേതോ തോണിയില്‍ നീ അകലുമ്പോള്‍
എന്‍റെ പ്രണയം ബാക്കിയാവുന്നു..
ഒറ്റപ്പെടലിന്‍റെ സുഖം അറിഞ്ഞ നാള്‍ മുതല്‍
ഒറ്റയ്ക്കൊരു വഞ്ചിയിലെ യാത്രക്കാരനായ് ഞാനും.
കാണാക്കര തേടിയുള്ള ഈ യാത്രയില്‍
എന്‍റെ സ്വപ്‌നങ്ങള്‍ എവിടെയോ പോയി മറഞ്ഞു.
എനിക്ക് കൂട്ട് വന്ന കാറ്റുപോലും എന്നെ തഴുകാന്‍ മടിച്ചു നിന്നു
എങ്കിലും എന്‍റെ പ്രണയം എന്നെ വേണ്ടുവോളം വീര്‍പ്പു മുട്ടിച്ചു
നീ ഇല്ലാത്ത ഈ യാത്രയില്‍ പഴയകാല ഓര്‍മ്മകള്‍ തികട്ടി വന്ന്‌
എന്‍റെ കാഴ്ചകള്‍ മറച്ചു.
നീ പോയ വഞ്ചി തേടി ഞാന്‍ അലയുമ്പോള്‍ ,
എന്‍റെ പ്രണയത്താല്‍ ഞാന്‍ മരിക്കട്ടെ.
അങ്ങനെ ഞാന്‍ നിന്നില്‍ ലയിക്കട്ടെ.
എന്‍റെ വഞ്ചിയിതാ താഴുന്നു ,
വരില്ലേ നീ എന്‍റെ കൂടെ..

No comments: