Tuesday, December 9, 2008

മറന്നു തുടങ്ങിയോ പച്ചത്തുരുത്തിലെയാ കളിസ്ഥലം

മറന്നു തുടങ്ങിയോ മധുരം തുളുമ്പുന്നൊ-
രോര്‍മ്മ തന്‍ പച്ചത്തുരുത്തിലെയാ കളിസ്ഥലം
സാഹുവും ഇര്‍ഷാദും നിസാറും
പിന്നെ നീര് എന്നു വിളിക്കുന്ന ഹുസൈനും

കെട്ടിപ്പിടിച്ചും കൂടിമറിഞ്ഞും കളിച്ച ഇന്നലകളെ
എത്തിപ്പിടിയ്ക്കുവാനൊക്കുമോ സ്വപ്നത്തിലെങ്കിലും
കാല്പന്തു കളിക്കുംബോള്‍, ഇടവേളകളില്‍
തണലേകുന്ന ആ വരിക്ക പ്ലാവിനെയോര്‍ക്കുമോ...

ഊഞ്ഞാലുകെട്ടിയാട്ടിയ ഒതനക്കുറ്റിയെ
തൊട്ടുമ്മ വയ്ക്കുവാന്‍ പറ്റുമോ ഇനിയൊരിക്കല്‍
ഉച്ച സമയത്തതിന്റെ ചില്ലകളില്‍
കാറ്റേറ്റ് മയങ്ങുവാനിനിയൊക്കുമോ...

ഇരുകുളം എന്ന എരുകുളത്തില്‍
നീന്താന്‍ പഠിച്ച ആ വലിയ കളത്തില്‍
ഇനിയൊന്നു കൂടി നീന്തിത്തുടിക്കുവാന്‍
കാലമേ നീ തിരിച്ചോടുമോ എനിക്കായ്...

3 comments:

എക്സ് | X said...

ഇരുകുളം എന്ന എരുകുളത്തില്‍
നീന്താന്‍ പഠിച്ച ആ വലിയ കളത്തില്‍
ഇനിയൊന്നു കൂടി നീന്തിത്തുടിക്കുവാന്‍
കാലമേ നീ തിരിച്ചോടുമോ എനിക്കായ്..

ശ്രീ said...

നൊസ്റ്റാള്‍ജിക്.

രസികന്‍ said...

good